Berrikuntza Teknologikoaren Gestio Integralerako garapen eredu propioa.
Artezketa eta Diamantatuaren kontrolerako teknologiak Gainazalen Tribologia-Testurizaziorako eta Doitasuneko Profiling-erak
Dagoeneko, garbi dago praktika erabilgarria dela gainazalak testurizatzea marruskadura murrizteko orduan.
IK4-IDEKOk lanean dihardu GOIMEK eta DANOBAT bezalako enpresekin zein Euskal Herriko Unibertsitatearekin, helburu hartuta fabrikazio-metodoak garatzea testura horiek modu jarraituan eta ekonomikoki bideragarri den eran produzitzeko.
REDITEX-PRO proiektua, 34 hilabeteko iraupena duena, Retos de Colaboración 2016 deialdiari dagokio, Espainiako Gobernuaren finantzaketarekin Ekonomia eta Lehiakortasun Ministerioaren bitartez.
Dauden prozesu desberdinen artean, patroi zehatz batzuk dituzten harriekin artezketa egitea, gutxi aztertutako teknologia da bere konplexutasunagatik, baina potentzial handia du testura zehatzak lortzeko edozein gainazal eta materialetan, era soil eta produktiboan eta kostu baxuekin.
Proiektu honen erronketako bat da teknologia bat garatzea ahalbidetuko duena harriak testurizatzea eragingailu elektromekaniko berritzaile baten bitartez, ondoren patroi horiek piezetara eraman ahal izateko, behar diren artezketan baldintzak erabiliz.
Bigarren lan lerroak, zuzenean bideratua dagoena diamantearen bizitza luzatzera, ultrasoinu bidez lagundutako diamantatua ezartzean datza. Nahiz eta oraindik ere industrializatu gabeko teknologia izan, etorkizun handia erakusten duten ikerketak aurkezten ditu.
Eragingailu ultrasoniko berritzaile bat garatzea, helburu duena erabilitako diamanteen eta artezketa indarren higadura murriztea, proiektuaren beste helburuetako bat izango da.
Proiektu honen garapenaren ondorioz jaiotzen diren hiru berrikuntza teknologiko nagusiak honakoak dira:
• Diamantaketa elektromekaniko bidez gainazalak testurizatzeko sistema lagundua
• Moleta birakaridun ultradoitasuneko diamantaketa monitorizatzeko sistema berri bat moletaren higadura konpentsatzeko, aeronautikako aplikazioetara bideratuta.
• Sistema bat, holografia konoskopikoa erabiliz, egiaztatuko duena harrian sortutako profila eskatutako tolerantzien barnean dagoela.
• Ultrasoinu bidezko diamantaketa sistema lagundu bat harri super-urratzaileak modu eraginkorrean diamantatzeko.
 |
 |
