EFIMEC

Sektore hauetan egiten diren mekanizazio eragiketek sendotasun, errepikakortasun eta doitasun handiak bilatzen ditu, bai eta akaberak ezin hobeak ere. Behar diren ezaugarri horiek guztiak, gaur egun, balio handiko makinetan lortzen dira, egonkortasun dimentsional handia bermatzen duten sistemekin, egituren, tresnen eta erreminten tenperatura kontrolatuz. Egonkortasun hori lortzea are zailagoa izango da mekanizatu beharreko pieza eta, beraz, makina ere handiagoa diren heinean. Egonkortasuna lortzeko energia eta fluido ugari eman behar zaizkio makinari, horrekin ebaketa indarrak murriztea eta ebaketa gunetan barreiatzen den beroa kanporatzea lortzen baita. Doitasuna eta sendotasunari lotutako eskakizuna eta abiarazte tasak handitzeko premia izan dira makina eta erreminten diseinurako soluzio berriak garatzera eraman duten bi faktore nagusiak. Halere, duela urte gutxi batzuetatik hona, emaitza berberak lortu nahi dira ingurumenean kalte gutxiago eraginez, eta premia hori funtsezko bektore bihurtu da makina fabrikatzaileen estrategi komertzialetan eta produktu estrategietan; izan ere, alde batetik, honelako gaietan punta-puntakoak diren sektore batzuen bezeroek, esaterako automobilgintzako bezeroek, eta, bestetik, administrazio publikoek eta iritzi liderrek, makinek eta prozesuek ingurumenean dituzten inpaktuak merkatuan lehiatzeko faktore gako bihurtzea nahi dute, eta hori bultzatzen ari dira.