Informazio estrategikoa

Egungo testuinguru konplexuetan eta aldaketa azkarrekoetan lehiakorra izaten jarraitzeko, enpresak gai izan behar du edo jakin behar du ingurunean aldaketa garrantzitsuak adierazten dituzten seinaleak antzematen, bai eta bere sektorearen barruan zein kanpoan garrantzitsuak diren eragileen jarduerak eta portaerak egunero kontrolatzen ere. Horren guztiaren helburua da garaiz erreakzionatu ahal izatea, une egokian erreakzionatzea eta erabaki estrategiko egokiak ahalbidetzea. Proiektu honen funtsezko erronka da informazio estrategikoa bereganatzea eta erabakiak hartu behar duten pertsonei ematea, etengabe eta era antolatuan, honetarako:
•Negozioen lehiakortasuna areagotzeko
•Enpresa ehuna eraldatzeko

Asmoa da alarma sistema goiztiarra edukitzea, radar baten antzera lan egiteko, etengabe eta zabal arakatuta, enpresarako funtsezkoak diren helburuak lortzera bideratutako ahalegin indibidualak aurkitu, antolatu eta bideratzeko.

Informazio Estrategikorako Zerbitzua (SIE) plataforma korporatibo bat da (Zentro Korporatibotik koordinatua) eta hauei informazio estrategikoa emateko balio du:
•Gobernu Organo Korporatiboko kideei (Zentro Korporatiboaren Batzorde Iraunkorra, Industri Batzordea, Kontseilu Orokorra, Zuzendaritza Batzordea).
•Dibisioen/Kooperatiben Adimen Lehiakorreko Sistemak edo Kooperatibek dituzten antzeko euskarriak, kasuan kasu.