Hemen aurki ditzakezu IDEKOri buruzko azken berriak
 - VF.jpg)
Zentro teknologikoak martxoaren 4tik 6ra, JEC World 2025 nazioarteko azokan parte hartuko du, eta bertan HERFUSE proiektuaren lehen emaitzak erakutsiko dituen fuselaje-demostratzailea aurkeztuko du.
Zentro teknologikoak martxoaren 4tik 6ra, JEC World 2025 nazioarteko azokan parte hartuko du, eta bertan HERFUSE proiektuaren lehen emaitzak erakutsiko dituen fuselaje-demostratzailea aurkeztuko du.
Europar Batasuneko Clean Aviation programaren barruan kokatutako ekimena da, eta helburua eskualde mailako hegazkin hibrido-elektriko berri baterako fuselaje arin eta jasangarri bat garatzea da.
IDEKO zentro teknologikoak etengabe egiten du aurrera soluzio berritzaileen garapenean, aeronautika-industria lehiakorragoa eta balio-kate optimizatuagoa izan dadin. Horren erakusgarri izango da JEC World nazioarteko azokan, martxoaren 4tik 6ra, Parisen.
Konposite-materialen arloko erreferentziazko foro honetan, IDEKOk fuselaje-demostradore bat aurkeztuko du eskualdeko hegazkin hibrido-elektriko berrirako. Demostradore hau Clean Aviation programaren barruan kokatzen den HERFUSE proiektu europarrean egindako I+G lanaren emaitza da, eta aeronautika-sektorean fabrikazio-prozesuak optimizatzeko garatzen ari diren teknologia aurreratuen aldeko apustua erakusten du.
Aeronautika-konpositeen fabrikazio automatizaturako teknologia aitzindaria
IDEKOk karbono-zuntzezko ehunak erabili ditu hegazkinaren alboko
panelak fabrikatzeko, Automated Dry Material Placement (ADMP) teknologiaren
bidez. Azken urteotan, IDEKOk teknologia hau etengabe eboluzionatu du, material
multiaxial lehorrak laminatzeko gaitasuna handitzeko, digitalizazio-maila
hobetzeko, kalitate-kontrol zorrotzagoa ezartzeko eta prozesuaren sendotasuna
bermatzeko.
Demostrazio-zelulak 10 metroko luzera duten egitura konplexuak fabrikatzeko ahalmena du, aeronautikako osagai handien fabrikazioan irtenbide nagusi gisa sendotuz. IDEKOren instalazioetan kokatutako demo-zelula hau espresuki diseinatuta dago aeronautikako osagaiak ekoizteko eta punta-puntako laminazio-buruak ditu, prozesu guztiz automatizatua ahalbidetuz.
"Teknologia honi esker, materialen manipulazioan eraginkortasuna eta zehaztasuna areagotzen dira, ekoizpen-denborak murriztuz eta prozesuaren fase guztietan kalitatea bermatuz", azaldu du Peio Olaskoaga, IDEKOko aeronautika-proiektuen arduradunak.
Laminazio industrial aurreratu honi osagarri gisa, IDEKOk injektatzeko termoplastiko erretxina berri bat garatu du egitura aeronautikoetarako, automatizazioa, eraginkortasuna eta iraunkortasuna uztartzen dituen soluzioa osatuz, sektorearen premiei erantzuteko.
Denbora errealean monitorizazioa
JEC World 2025ean, IDEKOk konpositeen fabrikazio-prozesu nagusien digitalizazioan eta denbora errealeko monitorizazioan duen eskarmentua erakutsiko du, besteak beste, laminazioa, aurreformatzea, infusioa eta sendotzea, produkzio-kalitatearen kontrol hobea bermatuz.
Gainera, JEC World 2025 azokan egongo den bitartean, zehazki Pabellón España VI-n, Hall 5, stand F135, euskal zentro teknologikoak bere aditu gaitasuna erakutsiko du fabrikazio-prozesuen digitalizazioan eta denbora errealeko monitorizazioan. Honek aukera ematen du konpositeen fabrikazioan funtsezko prozesuak, hala nola laminazioa, preformazioa, infusioa eta sendotzea, zehatz-mehatz kontrolatzeko, eta, horren bidez, produkzioaren kalitate-maila hobetzea bermatzen du.
INFINITE proiektu europarraren esparruan, IDEKOk haririk
gabeko monitorizazio-sistema bat garatzen lidergoa du, aeronautikako osagaien osasun
estrukturala eta fabrikazio-prozesua euren bizi-ziklo osoan zehar
kontrolatzeko. Ekimen hau JEC World 2025eko nazioarteko proiektuen gunean aurkeztuko
da, martxoaren 4an, asteartea, 11:15ean..jpg)
Muntaketa, mekanizazioa eta barne-osagaien fabrikazio berrikuntzak
Zentro teknologikoaren berrikuntza-proposamenak pieza handien muntaketa eta mekanizazioa ere barne hartzen ditu JEC World 2025 azokan. Horretarako, fotogrametrian oinarritutako robotika kolaboratiboko sistema bat garatu du, muntaketa-prozesuen abiadura eta zehaztasuna optimizatzeko. Gainera, bi robot sinkronizatu eta ikusmen-sistema bat dituen mekanizazio-zelula aurreratu bat aurkeztuko du, pieza handien mekanizazioan inoizko doitasunik handiena lortzeko.
Hegazkinen barne-osagaien fabrikazioaren esparruan,
beira-zuntzez egindako piezen ekoizpenean, IDEKOk ultramore-teknologian
oinarritutako ekoizpen-prozesu berritzaile bat aurkeztuko du. Prozesu honek sua
geldiarazteko UV bidezko sendaketa duen erretxinazko preimpregnatuen ekoizpena
barne hartzen du, baita formen tratamendua eta sendotzea prentsa aurreratuen
bidez ere.
Aeronautika-industria iraunkor eta digitalizatu baterantz
Soluzio-eskaintza hau osatzeko, IDEKOk prozesu eta produktuaren sentsorizazio teknologiekin hornitutako hainbat laborategi ditu, baita aeonautika sektoreko enpresa liderren, teknologia-eragileen eta unibertsitateen arteko lankidetzak ere.
Aurten, JEC World-ek bere 60. urteurrena ospatzen duen honetan, IDEKOk berrikuntzarekiko eta konpositeen fabrikazio aurreratuarekiko duen konpromisoa berretsi du. Hirugarren urtez jarraian parte hartuko du "#PabellónEspañaVI"-n, 11 koexpositoreekin partekatutako espazioan, eta Espainiako Konposite Materialen Elkarteak (AEMAC) koordinatutako erakusgunean.
.jpg)
