IDEKOk akats termikoak konpentsatzeko bere azken aurrerapenak aurkeztu zituen 2nd International Conference on Thermal Issues in Machine Tools-en.

Gorka Agirre, zentro teknologikoko Diseinua eta doitasun Ingeniaritzako ikertzaileak, makina-erremintan akats termikoak konpentsatzeko estrategia aurkeztu zuen apirilaren 20an 2nd International Conference on Thermal Issues in Machine Tools-en. Estrategia hau, makinan tenperatura-sentsoreak behar bezala jartzean oinarrituta dago.

Errore termikoak makina-erremintaren zehaztasunean eragina duten errore iturri nagusietako bat dira. Erroreak software bidez konpentsatzea akats termikoen eragina murrizteko ikuspegi praktikoa da, makinaren kontrolean makina jasaten ari den errore termikoa denbora errealean estimatzen baitu. Ohiko ikuspegia da egituraren funtsezko puntu batzuetan tenperatura neurtzea eta neurtutako tenperaturetatik abiatuz hazkunde termikoa estimatu dezakeen makina-modelo bat ezartzea. Zundak muntatzen diren posizio optimoak hautatzea funtsezkoa da soluzioaren zehaztasunerako, sendotasunerako eta inplementazio-kosturako.

Lan horretan zundak aukeratzeko estrategia bat aurkezten da, elementu finituen simulazioetan oinarritua. Sistemaren informazio modalaren erabilera eskatzen du eta aukeratutako tenperatura-posizioetan moduen ortogonaltasuna bilatzen du.

Ikerketa makina-erremintaren elementu finituen eredu batean egin da, eta emaitza oso onak izan ditu.

Aurtengo edizioko konferentzia, telematikoki izan da, Covid-19 dela eta.