Hemen aurki ditzakezu IDEKOri buruzko azken berriak
Frantziako eskualdearen eta Euskadiren arteko truke-jardueren testuinguruan, astearte honetan, azaroak 5, Nouvelle-Aquitaine eskualdeko ordezkaritza garrantzitsu baten bisita jaso dugu. Alain Rousset eskualdeko presidenteak gidatuta, delegazioarekin batera etorri dira Nerea Aranguren, Danobatgroup-eko zuzendari nagusia; José Luis Azkue, Eusko Jaurlaritzako Industria eta Trantsizio Energetikoko zuzendaria; eta Ainhoa Ondarzabal, Basque Trade & Investment-eko zuzendari nagusia, Spri Taldeko kidea.
Gure instalazioetan egindako bisitan, Rafa Lizarralde zentro teknologikoko zuzendari nagusiak eta Xavier Beudaert Dinamika eta Kontrol ikerketa-taldeko kudeatzaileak lagunduta, IDEKOren jarduera eta gizarte-enpresa proiektua lehen eskutik ezagutu ahal izan dituzte.
Azaroaren 5ean eta 6an enpresa misio bat egitera etorri dira Euskadira, Akitania Berriak Euskadirekin zein Nafarroarekin lankidetzan aritzeko izan ditzakeen bide eta aukerak identifikatzeko, eta misio horren baitan egin dute bisita hau.
Akitania Berria Frantziako eskualderik handiena da azalerari dagokionez, herrialdearen hego-mendebaldean dago, eta sei milioi pertsona inguruko populazioa du. 12 departamentu hartzen ditu, eta Bordele du hiriburu. Eskualde anitza eta dinamikoa da, tradizioa eta modernitatea elkartzen dira bertan, eta Frantzian hazkunde ekonomiko eta kulturalerako motor gisa posizionatzea lortu du.
Funtsezko dituen sektoreen artean industria aeroespaziala, teknologia eta berrikuntza daude. Gainera, Akitania Berriak mugaz gaindiko lankidetza proiektuetan aktiboki parte hartzen du, batez ere Pirinio Atlantikoetako eremuan. Turismo, garraio, ikerketa eta garapen jasangarrian lankidetza aktiboak daude Euskadi eta Nafarroarekin.
.jpg)
