Productive4.0-k 4.0 Industriaren ikuspegi teknologikoak eta kontzeptuak lantzen ditu; esaterako, IIOT (Gauzen Internet Industriala), CPS (Cyber Physical Systems) eta Automatizazioa. “Arlo horiek bat datoz, bete-betean, zentro teknologikoan IKTen eta Automatizazioaren taldean irekitako ikerketa ildoekin”.
Horregatik, proiektuko parte hartzea gidatuko du, Dinamika eta Kontrol, Diseinu eta Doitasunezko Ingeniaritza eta Fabrikazio Prozesuak taldeekin batera. Helburua da automatizazio irtenbide aurreratuak sortzea, eta digitalizazio kontzeptuekin osatzea, nola oso automatizatutako ekoizpen lerroen hala makina autonomoen ekoizpen prozesuak hobetzeko. Horretarako, DANOBATGROUPeko makinei buruzko kasu praktikoak definitu eta landuko dira.
19 herrialdetako 109 erakunde ahaleginduko dira ekimen honen bidez Europako industriaren digitalizazioa bultzatzen. Horretarako, IKT teknologiak eta elektronika baliatuko dituzte, digitalizazio bateratuaren ikuspegiarekin hainbat industria sektore landuz.