Industria-produktu pertsonalizatuak edo kopuru txikietan fabrikatzen dituzten enpresa askok beharrezkoa dute industria-roboteen programazioa eta birkonfigurazioa automatizatzea, malguagoak, eraginkorragoak eta jasangarriagoak izateko.
Behar hori Aurrera proiektuak erantzungo du, Ideko zentro teknologikoak gidatuta, Tecnalia, UPV/EHU, BCAM, Lortek, Mondragon Goi Eskola Politeknikoa, Vicomtech eta Autotech, Gestamp taldeko I+D unitatearekin batera.
Idekotik azaltzen dutenez, egungo soluzioak roboteen programazio manuala dakar, kostu handikoa, konplexua eta espezialistak behar dituena. Paradigma hori aldatzeko ahalegina egiten du zentro teknologikoak, enpresei automatizatutako tresnak eskainiz, robotei produktu eta prozesu desberdinetara modu azkarrean egokitzeko aukera ematen dietenak, haien lehiakortasuna hobetuz eta energia-kontsumoa murriztuz. Helburu horrekin, Aurrera proiektuak teknologiaren garapena egingo du, fabrikazio prozesuetan robotei ibilbideak automatikoki sortzeko aukera emango duena, produktuen forma edo konplexutasunaren arabera.