Digitalizazio hori aukera bat da makinen fabrikatzaileentzako bezala makinen erabiltzaileentzat ere.
Egia da ez dagoela ikuspegi estandarizatu bat fabrikazio-erakunde bat enpresa digital bilakatzeko. Baina, honako artikuluan, IK4-IDEKOko IKTak eta Automatizazioa ikerketa taldeko Jon Kepa Gerrikagoitia eta Gorka Unamunok ezagutzera eman dituzte fabrikazio enpresek hartu ditzaketen hainbat ikuspegi eraginkor. Horren aurretik azterketa bat egin dute digitalizazioak, Big Datak, ETL-k Business Intelligencek, Machine Learning-ak eskaintzen dituzten aukeren inguruan.
DIGITALIZAZIOAREN AUKERA
Digitalizazio hori aukera bat da makina fabrikatzaileentzat bezala bere erabiltzaileentzat ere. Aukerok orientatuta egon daitezke produkzio prozesuaren edo produktuaren baitako hobekuntzen aspektu desberdinetan, besteen artean: aktiboaren balioa mantentzea, aktiboaren balioa maximizatzea eta aktiboari berriz balioa ematea.
Aktiboaren balioa mantentzea: atal honetan topo egingo dugu, batetik zuzenketako, prebentzioko eta aurreikuspeneko mantentzearekin eta, bestetik, ordezkoen eta kontsumigarrien kudeaketarekin.
Aktiboaren balioa maximizatzea: produkzio-prozesuen optimizazioa, energiaren kudeaketa, eta zaharkitzeen eguneratzea eta kudeaketa integratuta daude hobekuntza-talde honetan.
Aktiboari berriz balioa ematea: aktiboaren balio soberakinaren kudeaketa, aktiboaren retrofitinga eta aktiboa pieza berrien produkziora egokitzea erronka bat dira aktiboen amortizazio hobea lortzeko.