Ingurune industrial gero eta globalizatuagoan jada ez da nahikoa produktu eraginkorrak eta kalitate handikoak prezio lehiakorrean saltzearekin. Enpresek existitzen jarraitu ahal izateko edo lehian jarraitu ahal izateko, beharrezkoa da, baita ere, bezeroei laguntza teknikoko zerbitzu azkarra eta eraginkorra eskaintzea, berdin izanik bezeroak non dauden. Horrek buruhauste handiak ekartzen dizkie enpresetako zuzendariei, zerbitzu gune horien kokalekua erabaki behar dituztenean eta zerbitzu gune horien baliabide eta materialak dimentsionatu behar dituztenean.
Artikulu hau LTZko zerbitzu guneetako giza baliabideen dimentsionamenduan zentratzen da, bai eta LTZko zerbitzu guneak elementu diskretuen bidezko simulazioz lokalizatzean ere. Horretarako, benetako kasu bat aurkeztuko da, non garatutako tresnen bitartez DANOBATGROUP makina-tresnen fabrikatzailearen enpresa baten LTZa optimizatu den. Ekitaldi Diskretuen Simulazio programa bat erabiliz eta ondoren emaitzak kalkulu orri baten bitartez ustiatuz egin da lana.
