Artikulu honetan erdi-diskretizazioaren ikuspegiaren aurrerapenak aurkezten dira, luzetarako artezketa zilindrikoaren prozesuaren egonkortasun dinamikoaren analisirako. Atzerapen ekuazio diferentzial autonomo bat da dagokion eredu matematikoa, eta piezaren abiadura aldaketa etengabea (CWSV) prozesuan aplikatzeak denboran atzerapen aldakor batera eramaten du. Diskretizazio teknikak oso modu ona da ekuazio diferentzialekin tratatzeko, horietrako irtenbidea ezin baita modu itxian eman.
Horrenbestez, erdi-diskretizazioaren metodoa proposatzen da ekuazioa analizatzeko. Egonkortasun mapak CWSV aplikazioaren eragina aztertzeko diseinatzen dira. Fresaketa eta torneaketa prozesuak ez bezala, artezketan gurpila-laneko pieza sistemaren deformazioak eragindako hondar malgutasunak asko baldintzatzen du egonkortasuna; hori horrela, termino hori sartu da ikuspegian. Balidazioa esperimentalki egin da eta korrelazio ona lortu da probaren emaitzen eta simulazioaren artean.
