Zuntzez indartutako polimeroetako termoegonkorrak ordezkatzeko errendimendu handiko termoplastikoak azaldu izanak erronka berri bat mahaigaineratu du: beren mekanizazioa. Ikerketa honetan, karbono zuntzez indartutako polibuliteleno tereftalato poliziklikozko ijeztuak fabrikatu, zulatu eta ikuskatu ziren. Zulaketa komertzialeko geometria eta mekanizazio-baldintza desberdinak alderatu ziren. Zimurtasunak, mikroskopiak eta proba ez-suntsikorrek ahalbidetu ziguten zuloaren eta delaminazioaren kalitatea zehaztea. Gainazaleko probek emaitza hobeak eman zituzten ohiko ebaketa abiaduran lana eginda (3000 r/min) abiadura handian lana eginda baino (15.000 r/min) aurrerapen-abiadura konstante batekin.
Gertaera hori matrizearen ezaugarri biskoelastikoek azaldu dezakete, hauskor bilakatzen baita ebaketa-abiadura handietan. Ultrasoinuen eta X izpien Ordenagailu bidezko Tomografia erabilita lortutako delaminazioaren faktoreak ere baieztatu zuen emaitzarik onenak lortzen direla 3000 r/min abiaduran biratzen duen broka helikoidal batekin. Karbono zuntzez indartutako termoegonkorrekin ez bezala, abiadura handietan antzemandako delaminazioa ez da espero zen bezain nabarmena. Emaitza horiek ahalbidetzen digute ondorioztatzea konposatu berri honek, zalantzarik gabe, produkzio tasa handituko duela, delaminazio-kalterik eragin gabe. Txipen formazioak ere paper berezia jokatzen du. Berreskuratu daiteke fabrikazio prozesuetan indargarri moduan erabiltzeko, matrize termoplastikoak duen birziklatze gaitasunaren ondorioz.
