Zeharkako artezketa zilindrikoa mugatzen duten faktore nagusietako bat da chatter birsortzailea; izan ere, produtibitatea galtzea, geometriako zehaztugabetasunak, gainazaleko markak eta zimurtasuna areagotzea eragiten ditu. Frogatzen da laneko piezaren abiadura aldaketa etengabea metodo efizientea dela bibrazioa kentzeko tekniken artean, baina aldaketa parametroak (anplitudea eta maiztasuna) saiakuntza eta erroreen arabera aukeratu ohi dira.
Horrenbestez, proposatzen da egonkortasun dinamikoko ikuspegi bat, non parametro horien konbinazio egokia erdi-diskretizazioaren arabera definituko den, hau da, laneko piezaren errotazio kontsekutiboen arteko trantsizio matrizearen balio propioak lortzeko teknikaren arabera. Balidazioa esperimentalki egin da eta korrelazio ona lortu da simulazioaren eta esperimentazioaren emaitzen artean. Laneko piezaren abiadura nominalaren %10 baino gehiagoko anplitudeekin eta 1Hz baino gutxiagoko maiztasunekin lortzen dira aldaketa parametroen konbinaziorik hoberenak. Horrenbestez, erdi-diskretizazioaren bitartez teorikoki iragarri daitezke chatterra ezabatzeko laneko piezaren abiadurak eduki behar duen aldaketa etengabearen parametro optimoak. Chatterra ezabatzeko teknika honen aplikazioa arrakastaz ebaluatu da, zeharkako artezketa zilindrikorako.
